04/11/2019
ផែនការតស៊ូបង្ការបង្រ្កាប ឧក្រិដ្ឋជនរំលោភបំពានលើកុមារ អ្នកមិនទាន់ពេញវ័យ បំពានច្បាប់ និង បង្ការបង្រ្កាប អំពើហិង្សាគ្រួសារ ជួញដូរមនុស្ស
អនុវត្តសេចក្តីសម្រេចចិត្តលេខ 2468/QĐ-BCA-C41 ចុះថ្ងៃទី២៨ ឧសភា ឆ្នាំ២០១៨ របស់ក្រសួងនគរបាល ស្តីពីការអនុម័តលើគម្រោងការ «ផែនការតស៊ូបង្ការបង្រ្កាប ឧក្រិដ្ឋជនរំលោភបំពានលើកុមារ អ្នកមិនទាន់ពេញវ័យបំពានច្បាប់បង្ការ ប្រយុទ្ធប្រឆាំងនឹងអំពើហិង្សាគ្រួសារ ជួញដូរមនុស្ស» គណៈកម្មាធិការប្រជាជនខេត្តទើបតែប្រកាសជាផ្លូវការផែនការលេខ 1655/KH-UBND អនុវត្តគម្រោងការនេះនៅលើភូមិសាស្រ្តខេត្តដំណាក់កាល២០១៨ - ២០២០។
គោលដៅរួមគឺបង្កការផ្លាស់ប្តូរខ្លាំងក្លាក្នុងសង្គមទាំងមូលពីការយល់ដឹង និងទង្វើក្នុងការងារការពារ អប់រំកុមារ លើកកំពស់តួនាទី ភារកិច្ចទទួលខុសត្រូវពីគ្រប់លំដាប់ថ្នាក់ ផ្នែក បណ្តាអង្គការសង្គមនិងប្រជាជន។ ជំរុញមាំការងារបង្ការទប់ស្កាត់ឧក្រិដ្ឋជន លើកកំពស់សមត្ថភាពជូនកម្មាភិបាលឯកទេសធ្វើការជាមួយជនមិនទាន់ពេញវ័យរួមចំណែកលើកកំពស់អត្រាស៊ើបអង្កេតពិន័យរាល់អំពើរំលោភបំពានលើកុមារ និងអ្នកមិនទាន់ពេញវ័យ បំពានច្បាប់ រាល់ករណីមានជាប់ទាក់ទងដល់អំពើហិង្សាគ្រួសារជួញដូរមនុស្ស។
គោលដៅជាក់ស្តែង ជារាងរាល់ឆ្នាំ ឧក្រិដ្ឋជនរំលោភបំពានលើកុមារកាត់បន្ថយពី១០ដល់១៥%។ ចំនួនកុមារត្រូវរំលោភផ្លូវភេទកាត់បន្ថយពី២០ដល់៣០%។ ចំនួនកុមារត្រូវអំពើហិង្សា ត្រូវជួញដូរកាត់បន្ថយចំនួន៤០%។ ចំនួនករណីអាស្រ័យដោយជនមិនទាន់ពេញវ័យបំពានបទល្មើសកាត់បន្ថយពី១៥ ដល់២០%។ ខិតខំប្រឹងប្រែងមានចំនួន១០០% កុមារត្រូវរំលោភផ្លូវភេទ ត្រូវអំពើហិង្សា ត្រូវជួញដូរបានរកឃើញ អន្តរាគមន៍ ជំនួយទាន់ពេលឈានដល់ការកាត់បន្ថយជាសារវន្តស្ថានភាពកុមារត្រូវរំលោភផ្លូវភេទ កុមារត្រូវអំពើហិង្សា កុមារត្រូវជួញដូរ។ល។
ដើម្បីអនុវត្តមានប្រសិទ្ធភាពរាល់គោលដៅខាងលើ ផែនការបានដាក់ចេញភារកិច្ចនិងដំណោះស្រាយអនុវត្ត រួមមានៈ កំណត់ខ្សែផ្លូវ មូលដ្ឋាន លក្ខណៈសង្ស័យសកម្មភាពឧក្រិដ្ឋជនសម្រាប់បទល្មើសរំលោភបំពានលើកុមារ និងអ្នកមិនទាន់ពេញវ័យជំទង់បំពានច្បាប់ អំពើហិង្សាគ្រួសារ ឧក្រិដ្ឋជនជួញដូរមនុស្ស ដើម្បីដំណើរការចាត់ជាក្រុម វាយតម្លៃ សំដៅម្ចាស់ការរកឃើញនិងទប់ស្កាត់ឧក្រិដ្ឋជនជំរុញមាំការងារបង្ការសង្គម ដោយឆ្លងតាមការងារឃោសនាអប់រំសីលធម៌ ក្រិត្យច្បាប់ បែបផែន កលល្បិចសកម្មភាពរបស់ឧក្រិដ្ឋជន ចលនាមហាជនចូលរួមរកឃើញ ថ្កោលទោសឧក្រិដ្ឋជនរំលោភបំពាលលើកុមារនិងអ្នកមិនទាន់ពេញវ័យជំទង់បំពានច្បាប់ អំពើហិង្សាគ្រួសារជួញដូរមនុស្ស។ កសាងបរិយាកាសអប់រំស្អាតស្អំ សុវត្ថិភាព មិនមានអំពើហិង្សា និងអបាយមុខសង្គម ផ្សព្វផ្សាយអនុវត្តល្អរាល់វិធានការណ៍បង្ការប្រឆាំងនឹងអំពើហិង្សាក្នុងសាលានិងអបាយមុខសង្គមជាដើម។ ទន្ទឹមនឹងនោះ ជំរុញមាំការងារកសាងរូបសណ្ឋាន ចលនាប្រជាជនទាំងមូលការពារសន្តិសុខមាតុប្រទេសក្នុងនោះកសាងនិងបើកទូលាយរូបសណ្ឋាន «បង្ការ ជំនួយដល់អ្នកមិនទាន់ពេញវ័យជំទង់បំពានច្បាប់ពឹងប្អែកលើសហគមន៍» យកចិត្តទុកដាក់ដល់ជនមិនទាន់ពេញវ័យជំទង់បំពានច្បាប់ កុមារត្រូវរំលោភ មានស្ថានភាពជួបលំបាកពិសេសឆាប់បានចូលរួមបញ្ចូលក្នុងសហគមន៍វិញ។ល។
ក្នុងផែនការ គណៈកម្មាធិការប្រជាជនខេត្តសំណូមពរដល់មន្ទីរ ស្ថាប័នខេត្ត គណៈកម្មាធិការប្រជាជនបណ្តាស្រុក ទីផ្សាររួមខេត្ត ទីក្រុង កសាងផែនការផ្សព្វផ្សាយអនុវត្តក្នុងបរិវេណ វិស័យ មូលដ្ឋានគ្រប់គ្រង៕
×