ថ្លែងសុទ្ទរកថានៅពិធីធ្វើការជាមួយគណៈអចិន្ត្រៃយ៍នៃគណៈកម្មាធិការបក្សខេត្ត ប្រធានរដ្ឋសភា វឿងឌិញហ្វែ បានឲ្យដឹងថា៖ ឆ្នាំ២០២១ ទោះបីរងឥទ្ធិពលធំធេងពីជំងឺរាតត្បាតកូវីដ-១៩ក៏ដោយ ប៉ុន្តែត្រាវិញនៅតែសម្រេចបានលទ្ធផលសំខាន់ៗជាច្រើន ជីវភាពរបស់ប្រជាជនបានកើនឡើងឥតឈប់ឈរ គ្រួសារក្រីក្របានថយចុះជាបន្ត និងមុខមាត់ជនបទមានការផ្លាស់ប្តូរគួរឲ្យកត់សម្គាល់ និងអភិវឌ្ឍន៍ឥតឈប់ឈរ។ ដោយឡែកក្នុង៣ខែដើមឆ្នាំ២០២២ ស្ថានភាពបន្តអភិវឌ្ឍន៍ស្ថិរភាព និងមានជំហានអភិវឌ្ឍន៍គួរឲ្យសម្គាល់ មានវិស័យជាច្រើនសម្រេចបានខ្ពស់បើប្រៀបធៀបនឹងរយៈពេលដូចគ្នាកាលពីឆ្នាំមុន។

ចង្អុលការទិសដៅខាងមុខ ប្រធានរដ្ឋសភា ក្រើនរឡលឹកដល់ខេត្តត្រូវច្បាមខ្ជាប់កម្មវិធីប្រតិបត្តិការរបស់គណៈកម្មាធិការបក្សខេត្តដាក់ចេញ យកចិត្តទុកដាក់អនុវត្តមានប្រសិទ្ធភាពសេចក្តីសម្រេចចិត្តលេខ១៣ របស់ការិយាល័យនយោបាយស្តីពីអភិវឌ្ឍន៍តំបន់វាលទំនាបទន្លេគឺវឡុង និងកម្មវិធីជំរុញការអភិវឌ្ឍន៍សេដ្ឋកិច្ចបន្ទាប់ពីជំងឺរាតត្បាតកូវីដ-១៩។ បន្តពង្រឹងការងារកសាងកែលំអបក្ស ការងារត្រួតពិនិត្យរបស់បក្ស ពង្រីកតួនាទីរបស់បណ្តាស្ថាប័នសារព័ត៌មាន។ ប្រធានរដ្ឋសភាស្នើធ្វើល្អការងារធ្វើផែនការផ្ទៃក្នុង និងឆាប់ធ្វើផែនការតំបន់ខេត្ត។

អំពីវិស័យឧស្សាហកម្ម ប្រធានរដ្ឋសភាក្រើនរំលឹកខេត្តត្រូវខិតខំប្រឹងប្រែងបានក្លាយទៅជាមជ្ឈមណ្ឌលសេដ្ឋកិច្ចសមុទ្រ និងមជ្ឈមណ្ឌលថាមពលរបស់តំបន់វាលទំនាបទន្លេគឺវឡុង ពិសេសគឺថាមពលកកើតឡើងវិញ។ ប្រមូលផ្តុំជំរុញការអភិវឌ្ឍន៍តំបន់សេដ្ឋកិច្ចឌិញអានដោយផ្សាភ្ជាប់ជាមួយទេសចរណ៍ សេដ្ឋកិច្ចសមុទ្រ និងទាញយកផល និងវារីវប្បកម្ម។ យកចិត្តទុកដាក់កសាងហេដ្ឋារចនាសម្ព័ន្ធ បណ្តាញផ្លូវគមនាគមផ្លូវទឹក ផ្លូវសមុទ្រ។ ដំណើរការអភិវឌ្ឍន៍ត្រូវយកចិត្តទុកដាក់ដល់ការអនុវត្តគោលនយោបាយអ្នកមានសគុណ គោលនយោបាយសុខុមាលភាពសង្គម។ ចំពោះបណ្តាសំណើរបស់ខេត្ត ភាគច្រើនមានជាប់ទាក់ទងដល់ការស្នើយន្តការគោលនយោបាយ អាស្រ័យហេតុនោះ ប្រធានរដ្ឋសភាកត់ត្រានិងស្នើដល់បណ្តាក្រសួង ផ្នែកមជ្ឈិម របស់រដ្ឋភាពិនិត្យដោះស្រាយសមស្រប។

ថ្លែងសុន្ទរកថានៅពិធីធ្វើការ  លេខាបក្សខេត្ត ង៉ូជីកឿង ទទួលកត់ត្រានិងសង្កត់ធ្ងន់ ខេត្តត្រាវិញនឹងទទួលហើយដាក់ចូលកម្មវិធីធ្វើសកម្មភាពដើម្បីសមូហភាពគណៈប្រតិបត្តិបក្ខភាគខេត្តខិតខំប្រឹងប្រែងអនុវត្តសម្រេចបណ្តាភាគកម្រិតដែលសេចក្តីសម្រេចចិត្តមហាសន្និបាតបក្ខភាគបានដាក់ចេញ។

មុននោះ របាយការណ៍ពីស្ថានភាពសេដ្ឋកិច្ចសង្គម៣ខែដើមឆ្នាំ២០២២ អនុលេខាប្រចាំអចិន្ត្រៃយ៍បក្សខេត្ត គឹមង៉ុកថាយ បានឲ្យដឹង៖ អំពីសេដ្ឋកិច្ចមានជំហានងើបឡើងវិញ ខែក្រោយកើនជាងខែមុន តម្លៃផលិតកសិកម្មប៉ាន់ស្មានសម្រេចបានជាង៦.៦០០ពាន់លានដុង តម្លៃផលិតឧស្សាហកម្មប៉ាន់ស្មានសម្រេចបានជិត៧.៨០០ពាន់លានដុង ប្រមូលថវិការជូនរដ្ឋសម្រេចជាង២.៨០០ពាន់លានដុង និងបរិយាកាសវិនិយោគធ្វើអាជីវកម្មបានកែលម្អឡើងជាបន្ត។ អំពីវិស័យសេដ្ឋកិច្ចសង្គម ការងារថែទាំសុខភាពប្រជាជន សុខុមាលភាពសង្គមបានយកចិត្តទុកដាក់ ពិសេសគឺគិតគូរដល់គ្រួសារក្រីក្រ គ្រួសារគោលនយោបាយ និងមានពលករជាង៤.៤០០នាក់បានដោះស្រាយការងារធ្វើថ្មី។ ទន្ទឹមនឹងនោះ ការផ្សព្វផ្សាយអនុវត្តកម្មវិធីស្តារសេដ្ឋកិច្ចសង្គមឡើងវិញទៅតាមសេចក្តីសម្រេចចិត្តរបស់រដ្ឋសភា រដ្ឋាភិបាលបានយកចិត្តទុក្ខដាក់ផ្សព្វផ្សាយមានប្រសិទ្ធភាព។

ស្របឱកាសនេះ ប្រធានរដ្ឋសភា វឿងឌិញហ្វែ មានអំណោយជូនខេត្តត្រាវិញ ជូនអំណោយឲ្យគណៈអចិន្ត្រៃយ៍បក្សខេត្ត។ នៅក្នុងឱកាសនេះដែរ ឆ្លងតាមការចលនារបស់ប្រធានរដ្ឋសភា វឿងឌិញហ្វែ សាជីវកម្មទ្រុងណាមបានឧបត្ថម្ភខេត្តត្រាវិញទឹកប្រាក់ ១០ពាន់លានដុងដើម្បីឧបត្ថម្ភកសាងផ្ទះ២០០ខ្នងជូនគ្រួសារក្រីក្រខេត្តត្រាវិញឆ្នាំ២០២២។

នៅក្នុងរសៀលនេះដែរ ប្រធានរដ្ឋសភា វឿងឌិញហ្វែ និងក្រុមប្រតិភូការងារបានអញ្ជើញទៅសួរសុខទុក្ខបណ្តាគ្រួសារគោលនយោបាយ សួរសុខទុក្ខកម្មាភិបាល បុគ្គលិកសុខាភិបាលនៅមន្ទីរពហុវិជ្ជាពេទ្យខេត្ត។ ប្រធានរដ្ឋសភាមានគោលបំណងគណៈកម្មាធិការបក្សខេត្ត គណៈកម្មាធិការប្រជាជនខេត្តបន្តយកចិត្តទុកដាក់កសាងមន្ទីរពហុវិជ្ជាពេទ្យខេត្តក្លាយទៅជាគំរូមួយ វិស័យមួយភ្លឺថ្លារបស់តំបន់។ ទន្ទឹមនឹងនោះ ស្នើក្រសួងសុខាភិបាលត្រូវបន្តឧបត្ថម្ភមន្ទីរពហុវិជ្ជាពេទ្យខេត្តត្រាវិញឲ្យកាន់តែរីកចំរើនឥតឈប់ឈរទាំងពីមុខជំនាញនិងធំហំ។

ប្រធានរដ្ឋសភា វឿងឌិញហ្វែ និងក្រុមប្រតិភូការងារ បានអញ្ជើទៅសួរសុខទុក្ខ អ្នកម្តាយវៀតណាមវិរៈភាព ង្វៀងធីហ្វាង នៅភូមិឡុងបិញ សង្កាត់ទី៤ ទីក្រុងត្រាវិញ ឆ្នាំនេះម្តាយមានអាយុ ៩៥ឆ្នាំ មានកូន៨នាក់ ក្នុងនោះមានកូន២នាក់ជាយុទ្ធជនពលីក្នុងសង្គ្រាមប្រឆាំងអាមេរិកសង្គ្រោះជាតិ។ សួរសុខទុក្ខសមមិត្តឡឹមភូ អតីតសមាជិកមជ្ឈិមបក្ស អតីតអនុប្រធានគណៈកម្មាធិការជនជាតិនិងតំបន់ភ្នំរបស់រដ្ឋាភិបាល។ សំណេះសំណាលនឹងបណ្តាគ្រួសារគោលនយោបាយ ប្រធានរដ្ឋសភាបានបញ្ជាក់៖ បក្សនិងរដ្ឋជានិច្ចកាលកត់ត្រានូវសគុណធំធេងរបស់បណ្តាមុខសញ្ញានិងគ្រួសារគោលនយោបាយ អ្នកបានបរិច្ចាគនិងរួមវិភាគទានធំធេងចូលក្នុងបុព្វហេតុប្រយុទ្ធតស៊ូការពារមាតុប្រទេស ក៏ដូចជាក្នុងការកសាងប្រទេសជាតិនាបច្ចុប្បន្ន៕